Շախմատ առարկայի ուսուցումը տարրական դպրոցում ունի կրթական մեծ ներուժ, որը պայմանավորված է հետևյալ առանձնահատկություններով՝
1.Շախմատը նպաստում է սովորողների տրամաբանական մտածողության զարգացմանը:
2.Շախմատում զարգանում և կատարելագործվում են սովորողի երևակայությունը, վերլուծական կարողությունները, նպաստելով ուսումնական մյուս առարկաների ուսումնասիրմանը:
3.Շախմատում դրսևորվում է նպատակին հասնելու համար հետևողական և քրտնաջան աշխատանքի անհրաժեշտությունը, որը նպաստում է աշակերտի հոգևոր աշխարհի ձևավորմանը:
4.Շախմատը նպաստում է նաև աշակերտի ինքնադրսևորմանը, բարդ իրավիճակներում կողմնորոշվելու կարողությունների ձևավորմանը:
5.Շախմատը, պարունակելով գիտության, արվեստի և սպորտի տարրեր, աշակերտի մեջ զարգացնում է ինքնուրույն աշխատանքի միջոցով հաջողությունների հասնելու կարողություններ:
6.Սպորտի տեսանկյունից շախմատը զարգացնում է աշակերտի կամային որակները, մինչև վերջ պայքարելու, օբյեկտիվ լինելու, ճիշտ գնահատելու, ինչպես նաև արժանապատիվ պարտվելու կարողություններ:
7.Արվեստի առումով այն զարգացնում է աշակերտի ճաշակը, գեղեցիկը ընկալելու և գնահատելու կարողություններ:
Շախմատ առարկայի ուսումնական նպատակները
• ձևավորել և զարգացնել աշակերտի մտավոր կարողությունները,
• ձևավորել և զարգացնել աշակերտի ինքնակազմակերպման և ինքնուրույն գործունեության կարողություններ և հմտություններ,
• զարգացնել աշակերտի ուշադրությունը, երևակայությունը, կամքի ուժը, աշխատասիրությունը, նպատակասլացությունը, համբերությունը,
• զարգացնել աշակերտի հիշողությունը, • բացահայտել շախմատային օժտվածությամբ երեխաների:
Շախմատ առարկայի դասավանդման հիմանական սկզբունքները
• շախմատային կրթության անհրաժեշտությունը բոլոր սովորողների համար,
• յուրաքանչյուր աշակերտի համար հասանելիության ապահովում, • առարկայի ուսուցմանը սովորողների ակտիվ մասնակցություն,
• առարկայի ուսուցման գործնական ուղղվածությունը:
Սովորողներին ներկայացվող պահանջներ
Գիտելիքներ, կարողություններ, հմտություններ
Ա խումբ
Նվազագույն մակարդակ
– Իմանա շախմատի խաղատախտակը՝ ուղղաձիգեր, հորիզոնականներ, անկյունագծեր:
– Ճանաչի խաղաքարերը և կարողանա դրանք ճիշտ դասավորել շախմատի խաղատախտակի վրա:
– Կարողանա բոլոր խաղաքարերով ճիշտ քայլել:
– Իմանա շախ, մատ, պատ հասկացությունները:
– Իմանա շախմատ խաղի նպատակը, խաղաքարերի մոտավոր արժեքները
– Կարողանա ճիշտ փոխատեղում կատարել:
– Իմանա զինվորի քայլը՝ կողանցիկ վերցնելը:
– Կարողանա զինվորը փոխարկել որևէ խաղաքարի:
– Կարողանա մեկ քայլից մատ անել:
Բ խումբ
Միջին մակարդակ (ավելանում են Ա խմբի պահանջներին)
– Իմանա շախմատի խաղատախտակի բոլոր դաշտերի անվանումները:
– Կարողանա մատ անել մեկ թագուհով և երկու նավակով:
– Իմանա քայլի գրանցումը:
– Իմանա մանկական մատերը:
– Կարողանա կիրառել սկզբնախաղի սկզբունքները:
– Իմանա պարզագույն վերջնախաղեր:
– Կարողանա կիրառել քառակուսու կանոնը:
– Կարողանա օգտվել սատարման դաշտերից:
– Կարողանա մատային ծուղակներ ստեղծել:
– Լուծել երկքայլանի մատեր:
– Կարողանա խաղարկել տարադաշտ փղերի պարզագույն վերջնախաղեր
Գ խումբ
Բարձր մակարդակ (ավելանում են Ա և Բ խմբերի պահանջներին)
– Կարողանա պարտիան գրանցել ամբողջությամբ :
– Կարողանա մատ անել մեկ նավակով, երկու փղով, փղով և ձիով (երբ մրցակցի արքան անկյունում է):
– Իմանա խեղդուկ մատի գաղափարը:
– Իմանա վերջին հորիզոնականի թուլության մասին:
– Իմանա տարադաշտ թվերով վերջնախաղեր:
– Իմանա մարտավարական մտահղացումներ:
– Կարողանա շախմատային պարտիայի ընթացքում ճիշտ օգտվել ժամացույցից:
– Կարողանա շախմատ խաղալ ըստ պլանի:
– Կարողանա կիրառել վերջնախաղի սկզբունքները:
– Իմանա զինվորային, թագուհին՝ զինվորի դեմ, նավակը՝ զինվորի դեմ, ձին՝ զինվորի դեմ վերջնախաղեր:
– Կարողանա իրացնել նյութական առավելությունը
Արժեքային համակարգ
• Գիտակցի և արժևորի շախմատի դերը երևակայության, տրամաբանական մտածողության, կամային որակների, դժվարին իրավիճակներում կողմնորոշվելու կարողությունների ձևավորման և զարգացման գործում,
• Գնահատի արդարությունն ու ազնվությունը,
• Կարևորի ուշադիր և կենտրոնացված աշխատանքը,
• Գիտակցի համագործակցված աշխատանքի կարևորությունը
Ծրագիր
ԹԵՄԱ 1. Ծանոթություն շախմատի հետ:
ԹԵՄԱ 2. Արքա, թագուհի:
ԹԵՄԱ 3. Շախ: Շախ և մատ: Պատ:
ԹԵՄԱ 4. Նավակ, փիղ, ձի:
ԹԵՄԱ 5. Զինվոր: Խաղաքարերի սկզբնական դասավորությունը և խաղաքարերի մոտավոր արժեքները: Փոխանակում:
ԹԵՄԱ 6. Փոխատեղում: Կողանցիկ վերցնելը: Զինվորի փոխարկում:
ԹԵՄԱ 7. Դաշտերի անվանումները: Քայլերի գրանցում: ԹԵՄԱ 8. Մատ թագուհով, երկու նավակով և մեկ նավակով:
ԹԵՄԱ 9. Մատ վերջին հորիզոնականում, մանկական մատ:
ԹԵՄԱ 10. Պաշտպանություն, անպաշտպան խաղաքար:
ԹԵՄԱ 11. Կապ, բաց հարձակում:
ԹԵՄԱ 12. Մատային դիրքերի ստեղծում: Խաղի գրանցում: Սկզբնախաղ:
ԹԵՄԱ 13. Բաց հարձակման նախապատրաստում: Երկքայլանի մատային խնդիրներ:
ԹԵՄԱ 14. Նյութական առավելություն և որակ: Պաշտպանություն մատից: Խուսափում պատից: Մահապարտ նավակ:
ԹԵՄԱ 15. Թագուհին՝ զինվորի դեմ: Զինվորային վերջնախաղեր. քառակուսու կանոնը: Զինվորային վերջնախաղեր. սատարման դաշտեր: Զինվորային վերջնախաղեր. Զինվորների մրցավազք: Զինվորային վերջնախաղեր. կրկնակի սպառնալիք արքայով: Զինվորային վերջնախաղեր. քայլի հերթականության կարևորությունը սատարման դաշտերը գրավելու համար:
ԹԵՄԱ 16. Մատ երկու փղով: Դիրքերի համեմատում:
ԹԵՄԱ 17. Սխալի ուղղում: Մատ երկու քայլից:
ԹԵՄԱ 18. Նյութական առավելության իրացում: Փիղ և եզրային (նավակի) զինվոր:
ԹԵՄԱ 19. Մատային դիրքերի ստեղծում: Օգնական մատ:
ԹԵՄԱ 20. Վերջնախաղեր. նավակը՝ զինվորի դեմ: Եռաքայլ մատային դիրքեր: Մարտավարական մտահաղացումներ. ծանրաբեռնված խաղաքար:
ԹԵՄԱ 21. Մատային ծուղակներ: Անցունակ զինվորը՝ որպես մարտավարական հնարք:
ԹԵՄԱ 22. Երկքայլանի մատային խնդիրներ. Ցուգցվանգ: Ճառագայթային գրոհ: Միջանկյալ շախ:
ԹԵՄԱ 23. Վերջնախաղեր. ձին՝ զինվորի դեմ: Ձիով և փղով մատ:
ԹԵՄԱ 24. Վերջնախաղեր` տարադաշտ փղերով: Հավերժական շախ:
ԹԵՄԱ 25. Ծուղակներ. Թագուհին՝ ծուղակում: Ծուղակներ. այլ խաղաքարերը ծուղակում:
ԹԵՄԱ 26. Ընթացիկ պլան. կանխարգելում: Ընթացիկ պլան. տարբեր մարտավարական գործողություններ: Ընթացիկ պլան. մարտավարում և թույլ դաշտեր: Ընթացիկ պլան. թույլ դաշտերի օգտագործումը փոխանակումների միջոցով: Լավ ձին՝ վատ փղի դեմ: Ընթացիկ պլան. փոխանակում:
Աղբյուրը՝ «Իմացումի հրճվանք» կրթական ծրագրի բլոգ